Plantun de Prouvènço

Pèr coumpara dos planto d'encò nostre

Saxifraga moschata & Erigeron sumatrensis

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Erigeroun(-blancas)

Erigeron sumatrensis

Asteraceae Compositae

Noms en français : Vergerette de Sumatra, Vergerette blanchâtre.

Descripcioun :
Grando erbo (>1m) di fueio un pau largo e bourrihudo (au contro de Erigeron canadensis, que soun soulamen cihado). Fai forço flour coumpausado blanco e de cop que i'a roso. Pèr la destria d'Erigeron bonariensis fau regarda lou brout e espincha li flour. La cambo principalo èi mai longo que li ramo d'en dessouto (formo en triangle) emai la flour coumpausado a un vèntre mens boumbu. Coumpara emé l'erigeroun-crespu.

Usanço :
Aquelo meno nous vèn de l'Americo dóu Nord ; s'espandis forço. Parèis que dins d'ùni païs la planto se manjo.

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Erigeron
Famiho : Asteraceae
Famiho classico : Compositae

Ordre : Asterales

Coulour de la flour : Blanco
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto

Liò : Escoumbre e proche dis oustau - Champ - Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Erigeron sumatrensis Retz., 1810

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Saxifraga moschata & Erigeron sumatrensis

ges

Coumpara Sassifrago(-muscado) emé uno autro planto

Coumpara Erigeroun(-blancas) emé uno autro planto